LEGAZPI CITY—Pighayag kan transport group na Sorsogon Integrated Transport Federation (SORINTRAFED) na kun seryoso an gobierno na ipaotob an mandatory drug testing sa mga pampublikong behikulo dapat na sanang gibohon ini.
An nasabing pahayag an katakod kan mga nairerehistrong mga aksidenteng kinaimbueltohan kan manlaen-laeng behikulo sa nacion.
Segun ki Sorsogon Integrated Transport Federation (SORINTRAFED) President Ramon Dealca, sa intrevista kan Bombo Radyo Legazpi, na magigin epektibo asin magayon na programa an nasabing lakdang kun seseryosohon ini kan gobierno.
Suhestiyon kaini na pwedesir na gibohon na weekly an drug test nganing magin toltol an mga drayber asin dae na maggamit nin ilegal na droga.
Dapat man na warang pigpipili asin dapat gabos na mga drayber an magsairarom sa drug test.
Dugang kaini, na bako sana tuyong makuwa nin lisensya pwedesir na ipaotob an lakdang kundi pwedesir man na gibohon sa sarong surprise drug test.
Mientrastanto, pangapudan man kan opisyal sa mga motorista na siertohong ipag-icheck an goma kan behikulo, preno, asin krudo, asin mangadyi bago magbiyahe nganing maibitaran an siring na mga insidente.
 said that if the government is serious about implementing mandatory drug testing in public vehicles, then they should do it already.){kind=link}