LEGAZPI CITY—Nangapudan an transport group sa Sorsogon sa gobierno na ipadagos an pagabrewas nin fuel subsidy para sa mga driver kan pampulikong transportasyon huli kan pagdugang sa presyo kan mga produktong petrolyo na dara kan naggpapadagos na tensyon sa Middle East.
Segun ki Sorsogon Integrated Transport Federation President Ramon Dealca, sa intrevista kan Bombo Radyo Legazpi, na nabaretaan ninda na nagpepreparan na an Department of Transportation asin Land Transportation Franchising and Regulatory Board na i-update an card para sa fuel subsidy an nagmamawot sinda na mabugtakan nin laog ini nganing dae labing maapektaran an saindang mga bulsa.
Dugang niya na en kaso man dae matawan nin fuel subsidy asin ipapataw ini sa paghalangkaw sa pamasahe an makaherak suboot iyo an mga pasahero.
Afuera digdi, makaherak asin lugi man an mga driver kun dae sinda matatawan nin fuel subsidy urog na pag suminakat sa P90 hasta P100 an kada litro kan mga produktong petrolyo asin dae mahalangkaw an presyo kan mga pamasahe.
Pighayag man ni Dealca na kulang na kulang pa an ibinarewas na P5,000 na fuel subsidy kan nakaaging taon kaya dapat pag-adalan asin tawan na magayon na solusyon kan gobierno huli sa posibleng pagdugang na presyo sa krudo sa mga masunod pang semana.
