LEGAZPI CITY- Nangapudan ngunyan an sarong grupo nin transportasyon sa Sorsoson na paramientras na matugutan an paglangkaw kan singil sa pamasahe.
Ini an sa tahaw kan padagos na paglangkaw kan presyo kan produktong petrolyo huli sa tensyon sa Middle East.
Segun ki Sorsogon Integrated Transport Federation President Ramon Dealca sa intrevista kan Bombo Radyo Legazpi na ini an solamenteng solusyon ngani na dae man mawaran nin kabuhayan an mga drivers asin operators.
Paliwanag kan opisyal na pwedesir man na ibaba na sana liwat an singil sa pamahasahe kun magbalik na sa normal an presyuhan kan langis.
Segun ki Dealca na dae man namamatean kan mga drivers an fuel subsidy na ipigtatao kan gobierno.
Dakol kaya suboot na mga drivers an wara man na nareresibe na kwarta sa saindang mga cash cards sa ibong kan pagsunod sa mga requirements kan gobierno, kaya dae man napapakinabangan an nasabing programa.
