LEGAZPI CITY-Nangangpudan an sarong transport group sa Sorsogon sa gobierno na tawanan nin pansin asin suporta an sektor kan transportasyon makalihis an sunod sunod na paglangkaw kan presyo kan mga produktong petrolyo.
Segun kay Sorsogon Integrated Transport Federation President Ramon Dealca sa intrevista kan Bombo Radyo Legazpi na nadidifisilan sa ngonian an mga driver huli sa padagos na paghalangkaw liwat kan mga presyo kan produktong petrolyo sa mga nakalihis na semana.
Pigaagrangay man ninda orog na kan mga driver asin operators an tabang hale sa gobierno mantang paparani na an kapaskuhan.
Paliwanag pa kan opisyal na liwat na nagbabalik an kita kan mga driver tuyong paparani na an pasko, nababawasan man sana tulos ini huli sa mga dugang na presyo sa gasolina.
Kaya nangangapudan an saindang grupo sa gobierno na tawan nin pansin an padagos asin pabago-bagong presyo sa mga produktong petrolyo.
