LEGAZPI CITY – Pighihiling na sana kan grupo nin mga tsuper sa provincia kan Albay bilang normal an pagtaas na naman liwat kan presyo kan produktong petrolyo.
Segun ki Basta Driver Safety Enforcer Chairman Ronel Nebres sa intrevista kan Bombo Radyo Legazpi na normal na sana sainda an mga siring kaining pangyayari huli ta dae man ini nakaka-apektar sainda makalihis an pag-adjust kan saindang mga gastusan sa pang-urualdaw.
Alagad pagdoon niya man na maski nag-adjust an presyo kan diesel an dae pa man sinda nagtataas nin pamasahe huli ta pighahalat pa ninda an bagong fair matrix na iluluwas man kan Land Transportation Franchising and Regulatory Board.
Padagos man an saindang pag-anunsyar na dae na man kasabay sa 20 percent discount sa pamasahe sa mga pampublikong transportasyon an mga presenteng nagre-review o nagbo-board exam huli ta pigkokonsidera na an mga ini na naka-graduate na.
Paliwanag kaya kaini na kadakol pa man kaya sa presente na mga tawo na nagtatao na mga nagre-review nin discounted na pamasahe kun kaya wara man sindang maginibo kundi kuwaon an bayad huli ta abo na nindang magkaigwa nin halabang diskusyon sa pagultangan kan driver asin pasahero.
Abiso niya man sa mga pribadong behikulo na aramon asin mag-agi sa mga alternatibong ruta pasiring sa saindang papadumanan nganing makabawas na sa gabat kan trapiko sa sarong lugar huli ta kun sinda an magibo kaini an pwedesir sindang madeklara bilang kolurom asin mahampang sa reklamo.
Pangapodan man ni Nebres sa publiko na dae paglingawan na tanggalon an mga susi kan saindang mga behikulo urog na kun pigpark ini sa pribadong lugar nganing malikayan an pagka-habon kaini asin kan saindang mga kagamitan na nakabugtak sa saindang mga lunadan.
