LEGAZPI CITY—Preparado na an Sorsogon Integrated Transport Federation (SORINTRAFED) para sa piglalaomang na pagruso kan mga pasahero pirang aldaw antes an Undas 2025.
Segun ki Sorsogon Integrated Transport Federation President Ramon Dealca, sa intrevista kan Bombo Radyo Legazpi, sainda nang pigsasaayos an maintenance an mga behikulo nganing magin preparado na para sa Undas an saindang grupo.
Pighayag man kan opisyal na depende man suboot sa magigin ruta kun ma-extend sa oras sa pagbiyahe an saindang mga driver durante kan nasabing mga aldaw.
Mientrastanto, nangapudan man si Dealca sa mga commuter na dae maghadit sa paparaning Undas huli sa nakapreparar man suboot an saindang transport group sa provincia kan Sorsogon.
