LEGAZPI CITY—Naobserbaran kan sarong transport group na nagkulang an mga nagpasadang jeep sa nagkapirang lugar sa provincia kan Albay durante kan pag-obserbar kan Undas.
Segun ki Basta Driver Safety Enforcer President Ronel Nebres, sa intrevista kan Bombo Radyo Legazpi, na kan nakaaging aldaw an diiton suboot an pasahero alagad dakolon an nagbiyaheng pampasadang jeep kun kaya nagkapira digdi an nagdesisyon nang mag-uli na sa sainda.
Dugang niya na pag-abot suboot nin hapon an dakol na an naghaharalat na pasahero alagad nagdikit na man an mga nagpasadang jeep na nagresulta sa pagkahaloy kan paglunad kan mga ini—pasiring o pauli hale sa mga kamposanto.
Mientrastanto, pagiromdom man ni Nebres sa publiko na sa mga tamang lugar sana mag-abang nin malulunadan pasiring sa saindang destinasyon siring kan paghiling sa mga designated na loading asin unloading area nganing dae sinda makapagkawsa nin trapiko sa tinampo.
