LEGAZPI CITY– Naarestar sa matoninong na paagi an sarong traffic enforcer sa Barangay Divino Rostro, San Andres, Catanduanes na may nakabinbin na kasong pagbalgar sa Presidential Decree 1602 o an Philippine Gambling Law.
Binisto kan San Andres Municipal Police an suspek na si Joan Clavo, 35-anyos na residente kan Barangay Puting Baybay sa parehong banwaan.
Sa pagsirbe kan mandamiento de aresto kan pulisya, narekober sa posisyon ni Clavo an 101 pidaso nin papel na may number combinations, limang plastic bag na may nakabugtak na kwarta, sarong unit nin cellphone, asin iba pang papel na may mga nakasurat na numero.
P4,604 an kabilugan na kwartang narekober sa nasambitan na traffic enforcer.
Isinairarom sa medical examination an suspek asin sa ngunyan, nasa kustodiya na kan pulisya ngani na kahampangon an kaso kontra saiya.
