Sinuspinde kan Malakanyang an laog sa mga ofisina kan gobierno asin klase sa gabos na lebel sa Metro Manila asin 36 na iba pang lugar sa Miyerkules, Hulyo 23 basado sa iniluwas na Memorandum Circular No. 90 kan Palasyo ngonian na Martes, Hulyo 22, 2025.
Kinumpirma ini ni Executive Secretary Lucas Bersamin sa mga media sa Palasyo.
Segun ki Bersamin, an suspension huli sa padagos na makusog na pag-uran dara kan habagat.
Base sa Memorandum Circular No. 90, an mga lugar na apektado kan suspension apwera sa Metro Manila iyo an mga minasunod:
Region I: Pangasinan, Ilocos Norte, Ilocos Sur, La Union
Region III: Zambales, Tarlac, Bataan, Pampanga, Bulacan, Nueva Ecija
Region IV-A: Cavite, Batangas, Rizal, Laguna, Quezon
Region IV-B: Occidental Mindoro, Oriental Mindoro, Marinduque, Romblon, Palawan
Region V: Masbate, Sorsogon, Albay, Camarines Sur, Catanduanes
Region VI: Antique, Aklan, Capiz, Iloilo, Guimaras, Negros Occidental
CAR (Cordillera Administrative Region): Abra, Mountain Province, Ifugao, Benguet
Region II: Nueva Vizcaya
Nakasaad sa memorandum na an suspensiyon an nganing masyerto an kaligtasan kan publiko, urog na sa mga lugar na may halangkaw na huma kan pagbaha asin landslide.
Solamente an mga ahensya na imbwelto sa disaster response, health services, asin iba pang esensyal na serbisyo an piglalaoman na malaog sa trabaho sa irarom kan nasabing orden.
Pigpapagirumduman an publiko na magtenir na alerto asin bantayan an mga abiso hale sa saindang kanya-kanyang lokal na gobyerno asin opisyal na ahensya kan gobyerno.
