LEGAZPI CITY – Ngane man na maibitaran an mga insidente nin kasulo sa rehiyong Bicol, pig-aadalan kan Bureau of Fire Protection (BFP) an mga rason sa pagkakaigwa nin kasulo.
Segun ki BFP Bicol Regional Director Fire Chief Supt. Igmedio Bondoc Jr, dae man natatapos an trabaho kan mga bumbero sa pag-apula sana kan kasulo.
Pagkatapos na mawara kan kasulo, nagkokondusir man suboot sinda nin overhauling o pagsisierto na dae na magkaigwa liwat nin kasulo o rekindling.
An mga lugar man na nawawalat na mauring o maati na resulta kan insidente an pigpa-flush kan ahensya o an pig-aapod na public relations site.
An pinaka-importante man na piggigibo kan BFP, segun sa opisyal, iyo an pagkokondusir nin post-fire analysisi kun saen pig-aaram ninda kun nata nagkaigwa nin kasulo asin an rason kaini.
Sa paagi suboot kaini, maiibitaran ng mangyaring an siring na insidente.
Ipigpapaaram man ninda sa residentes enkaso nagdakula o naglakop an kasulo an mga dapat gibuhon ngane dae mautro an nangyari.
Segun pa ki Bondoc, urog pa ninda ining pag-aadalan asin maimbestigar sinda nin maray sa kawsa kan insidente asin maserbi man suboot ining adal sa mga residentes o namamanwa na nagbabalubagi o dae pigseseryoso an pauru-utrong pagirumdom kan BFP.
