LEGAZPI CITY-Pinawi kan International Criminal Court (ICC) an mga takot sa mga apektadong komunidad asin mga estadong miyembro na an saindang kaso, posibleng dai na magpadagos kasunod kan paghale sa piskal ni Karim Khan.
Si Khan, hinale pagkatapos mapatunayan na nagkasala nin guilty sa serious misconduct asin breach of duty.
Sinabi kan ICC na pigmidbid kaini an desisyon kan Assembly of States Parties, kun saen an mga miyembro kaini nagboto kan Biyernes na halion si Khan.
Maabot sa 82 sa 152 na miyembro kaini an nagboto na halion si Khan sa sarong sekretong pagboto na ginibo sa headquarters kan United Nations sa New York.
Idinagdag pa kan ICC na an mga kaso na pigdadangog kaini magpapadagos asin dae na suspendido.
Matindog man bilang pamalit kay Khan an mga deputy prosecutors, kabale sinda Deputy Prosecutor Nazhat Shameem Khan asin Mame Mandiaye Niang na magtetenir sa saindang mga pwesto.
Magigirumdoman na an 56-anyos na si Khan naghale sa saiyang trabaho kan Mayo 2025 pagkatapos na magpoon an imbestigasyon huli sa mga alegasyon nin pangungulog sa suboot sarong babaeng miyembro kan staff kaini.
