Legazpi City- Nagpagirumdom an Zerowaste Campaigner na Ecowaste Coalition sa publiko sa pagbakal kan mga unauthorized asin unlabeled Labubu-inspired merchandise sa merkado.
Sa intrevista kan Bombo Radyo Legazpi kay Ochie Tolentino, Zerowaste Campaigner, Ecowaste Coalition, nagkapira sa mga samples kan merchandise an nagpositibo sa mga toxic chemicals na posibleng makaraot sa salud.
Sa 42 na samples na sinuri kan grupo nagluwas na lima sana an igwang ICC steaker asin pumasar sa pagsusuri. Sa pagsusuri kan grupo nailing an presensya kan Lead asin PVC materials na presente sa mga samples. An mga kemikal na ini an haloy nang napag-adalan na nagdadara nin pilegro sa indibidwal na makakakapot kaini.
Dugang pa man ni Tolentino na kinakaipuhan maging vegilante an lambang saro sa pagbakal kan naunambitang kawatan. Dapat man na ilingon an ICC steaker, asin maging an mga label para maaraman an mga materyales na ginamit sa naunambitang kawatan.
Napag-araman na dakula an peligro na dara kan Lead na nailing sa mga unauthorized asin unlabeled Labubu-inspired merchandise lalo na sa epekto sa brain development kan sarong aki.
Nangapudan na man an grupo sa Departmen of Trade and Industry na magsagibo nin inspeksyon sa mga tindahan na nagpapabakal kan naunambitang kawatan.
