LEGAZPI CITY – Nangapodan an sarong toxic watchdog group na iselebrar an bagong taon nin salbado sa huma kan manlain-laing klase nin paputok asin pailaw.
Segun ki Ban Toxic Campaigner Thony Dizon sa panayam ng Bombo Radyo Legazpi na an saindang pangapodan an kasunod kan mga nairerehistrong firecracker related injuries na padagos na naghahalangkaw.
Pwedesir man suboot na gumamit na sana nin kaldero, kawali, asin iba pang alternatibong paribok kun mawot pa man ninda magtanggal nin malas sa saindang kaharongan sa pagsapit kan 2026 na dae naggagamit nin paputok.
Punto pa niya na labing kaipuhan sa presente an mahigot na pagbabantay kan mga otoridad sa mga pigbabakalan nin mga paputok asin kumpiskahon an mga ilegal nganing dae na ini mag-abot pa sa mga nagbabarakal.
Ipigdoon pa kan opisyal na dapat mas doblehon pa an pigsasagibong awareness campaign nganing matawan nin impormasyon an komunidad na mas magayon iselebrar an pagsalida kan taon na kumpleto an mga parte kan saindang hawak.
Suhestyon niya man na subaybayan kan Department of Environment and Natural Resources an mga pigsasagibong firecracker disposal kan mga otoridad huli ta chemical based an mga arug kaining prudokto na kaipuhan nin espesyan na paagi nin pag-dispose.
Kahagadan ni Dizon sa publiko na iprayoridad an kaligtasan kan saindang salud asin an kapalibutan ngonian na pagsalida kan taon.
