LEGAZPI CITY- Pinag-aabangan na kan dakol na mga Filipino an pag-abot kan total lunar eclipse na mangyayari sa Miyernes, Mayo 26.
Sa intrevista kan Bombo Radyo legazpi kay Mario Reymondo kan Astronomical Observation Time Services Unit kan PAGASA, mangyayari an eclipse huli sa pagrani kan bulan sa kinaban sa distansyang 357,000 km na sasabayan kan blood moon o pamumula kaini.
Mapuon suboot ini eksaktong alas 4:47 nin hapon, alagad mahihiling an bulan alas 6:12 na kung sain partial eclipse o kabanga muna an magkukulay pula.
Mahihiling an pig-aapod na super blood moon o pamumula ka kabilugan kan bulan eksaktong alas 7:11 nin banggi hasta sa alas 7:25.
Pagkalihis kan nasabing oras liwat ng mahahali an pamumula kan bulan hasta sa alas 8:52 nin banggi.
Segun kay Reymondo, dapat na samantalahon na kan mga Filipino an phenomenon na ini huli ta minsan sa nagkapirang taon sanang mangyayari asin mahihiling sa Pilipinas.
Sa mga dae man nin telescope o dae makakaluwas nin harong pwedesir man na mahiling an coverage kan super lunar eclipse sa social media accounts kan PAGASA.
