LEGAZPI CITY — Dakula an pasasalamat kan sarong Bicol University College of Nursing graduate sa pagkakapasar sa June 2019 Nurse Licensure Examination asins masungkit pa an pang-10 pwesto.
Istorya ni Melanie Sta. Rosa Camasis sa intrevista kan intrevista kan Bombo Radyo Legazpi, super shocked ini kan maaraman an resulta kun sain mismong an ina an naghatod kan bareta. Sa enot, dae suboot ini kumbinsido asin pigpensar na nagkakaraw sana an ina huli ta dae kaini piglalaoman na makakapasa asin makakasabay pa sa Top 10.
Nagin inspirasyon suboot ni Camasis an pamilya asin kun nadidisganar sa pag-adal asin pag-review, nahihiling suboot kaini an ladawan kan ina asin ama na pano nin pawis sa pagtitinda sa saindang carinderia sa public market sa Naga City.
Segun pa ki Camasis, greatest weapon kaini an pagpangadyi afuera sa bastanteng turog asin pahingalo.
Kan paparani na an board exam, dae kaini aram kun bastante an saiyang pinag-adalan asin preparasyon alagad sa tabang kan review center, kan eskwelahan asin mga inspirasyon, nagkakumpiyansa na ipadagos an laban.
Pinasalamatan man ni Camasis an saiyang mga magurang sa suporta, mga tito asin tita, lolo asin lola asin an nagtao kan scholarship.
Sa ngonian, nagpoon na nin training para sa trabaho si Melanie asin plano pang magkua nin masteral course.
