LEGAZPI CITY—Arestado an ika-10 na Most Wanted Person kan Masbate City sa ginibong operasyon kan mga otoridad sa Barangay Kinamaligan kan nasabing ciudad.
Binisto an naaresto na si alyas “Mario”, nasa legal na edad, lalaki, asin nahahampang sa kasong Acts of Lasciviousness sa irarom kan Article 336 kan Revised Penal Code in relation to Republic Act No. 7610 o Special Protection of Children Against Abuse, Exploitation and Discrimination Act.
Isinagibo an pag-aresto sa bisa kan Warrant of Arrest na pinagtibay ng Regional Trial Court, Branch 10 (Family Court), Masbate City na may pigrekomendang piyansa na nagkakantidad nin P180,000.
Sa presente, nasa kustodiya na an akusado para sa magkakanigong dokumentasyon asin tamang disposisyon.
