Naarestar kan mga otoridad an tugang ni dating presidential economic adviser Michael Yang na si Tony Yang.
Segun sa Presidential Anti-Organized Crime Commission na nadakop ninda si Yang Jian Xin huli sa mission order bilang undesirable alien kan Bureau of Immigration.
Nangyari an pag-arestar sa Ninoy Aquino International Airport Terminal 3.
Marurumduman na si Tony Yang an pigtutukdong nasa likod kan operasyon kan Philippine offshore gaming operator sa Cagayan de Oro.
Si Michael Yang an enot na man na napatawan nin cite in contempt kan House Commitee on dangerous drugs makalihis na dae mag-atendir sa imbestigasyon dapit sa drug operations sa Pampanga kan Setyembre 2023.
