LEGAZPI CITY- Balik pink zone na an banwaan kan Tiwi, Albay makalihis na wara ng nairehistrong panibagong kaso nin African swine fever sa lugar.
Segun ki Albay Provincial Veterinarian Dr. Pancho Mella sa intrevista kan Bombo Radyo Legazpi, naging positibo an ginibo nindang 90 aldaw na monitoring asin mass culling sa Tiwi Albay.
Huli digdi, balik na sa pagigin ASF free an provincia kan Albay.
Huli digdi, pwedesir na liwat na mag ataman nin orig an mga enot ng naapektaran na mga barangay.
Pwedesir naman na makapagpaluwas nin suplay nin orig sa mga pagtaraid na banwaan na enot naman na pighigotan kan mga nakalihis na mga bulan.
Mientrastanto, padagos man liwat an pag implementar nin boarder control sa Albay ngane na dae na liwat magkaigwa pa nin kaso kan African swine fever na iyo an nagpapadapa sa ekonomiya kan agrikultura partikular kan hog industry.
