Dae maiwasan na madisganar si Senate Minority Leader Tito Sotto kasunod kan pagbaba kan trust asin performance rating kan Senado sa bagong pinaluwas na resulta kan OCTA Research survey.
Sa nasabing survey, buminagsak sa 49% an trust rating kan publiko sa senado hali sa nakaaging 57%, kun sain sa Mindanao haros nakaresibe nin hababang rating an institusyon.
Apwera dyan, an performance rating kan institusyon yaon sana sa 47% gikan sa nakaaging 53%.
Segun ki Sotto, sa saiyang pagrumdom, iyo sana ini an pagkakataon na buminaba sa porsyento na ini an rating kan Senado, na dae man suboot nagbaba sa rating kan Kamara.
An survey ginibo sa 1,200 na mga respondente sa paagi nin mga face-to-face interview.
