LEGAZPI CITY—Posibleng magsagibo nin tigil-pasada an nagpirang driver kan modern jeep sa provincia nin Sorsogon en kaso dae maresolbar an mga pigsisingil sa Sorsogon Integrated Terminal Exchange (SITEX).
Segun ki Sorsogon Integrated Transport Federation (SORINTRAFED) President Ramon Dealca, sa intrevista kan Bombo Radyo Legazpi, na balak kan nagkapirang drivers kan modern jeep sa probinsya na magkundusir nin tigil-pasada sa December 24-25 en kaso dae magkasundo an grupo asin Park Solutions, Inc. sa singil sa terminal.
Siring man na maluwas sinda nin papaparadahan na pwedesir magresulta sa pagkalibong kan mga pasahero kun sain na lugar sinda malunad.
Pwedesir man na maggibo nin temporary terminal an mga lokal na gobierno para sa modernized asin traditional public utility vehicles en kaso dae magkauyon an duwang lado sa nasambitang orolay.
Mientrastanto, sinabi man ni Dealca na piglalaoman man an pinal na desisyon kan LGU, Park Solutions, Inc. asin transport group mapadapit sa isyu sa masunod na semana.
