Tinawan duon kan Bangko Sentral ng Pilipinas (BSP) an importanteng papel kan mga thrift banks sa pag-enganyar sa saradit na negosyante na gumamit nin electronic payments ngani na mas mapakinabangan an digital banking.
Sa General Membership Meeting ng Chamber of Thrift Banks (CTB), sinabi ni BSP Deputy Governor Mamerto Tangonan na dakula an ambag kan thrift banks sa digital payment ecosystem.
Hali kaya sa labi sa 10 milyon InstaPay transactions kan Enero 2025, uminabot ini sa haros 70 milyon pagpatak kan Disyembre, na katumbas nin pitong beses na paglangkaw sa laog nin sarong taon.
Siring man, aminado si Tangonan na bako pantay an partisipasyon kan thrift banks sa kabilugan na sistema.
Sa lado man kan QRPH merchant payments na importante para sa micro, small, and medium enterprises (MSMEs), 13% sana kan system participants an hali sa thrift banks.
Huli digdi, inenganyar an mga thrift bank na enganyaron an mas dakol na mga kliyente na gumamit nin digital payments.
Marurumduman na saro an Queen City Development Bank, na parte kan Florete Group of Companies, na proud founding member kan Chamber of Thrift Banks.
