LEGAZPI CITY- Kwarentang estudyante an nagpartisipar sa ikinondusir na Theater Arts workshop sa Bicol University College of Arts and Letters katakod kan taunan na selebrasyon kan National Arts Month asin Bicol Arts Festival.
Sigon ki Ramona Rañeses, an founding project director kan nasambitan na workshop, susog an aktibidad sa Presidential Proclamation 683 o an opisyal na deklarasyon kan Pebrero bilang bulan kan pagselebrar kan Arts Month.
Dugang pa ni Rañeses, gikan sa Polangui, Irigi City, Legazpi City asin Guinobatan an 40 nagpartisipar sa programa na pinamayuhan kan theater group na Kalinangan Barasoain Ansam gikan sa Malolos, Bulacan sa paagi kan National Commission for Culture and the Arts.
Mabilog suboot nin 30 minutong play production an mga partisipantes na igwa nin temang organic farming asin anti-drug addiction.
Ineksplikar ni Rañeses na kaipuhan ninda nin theater group ngani na maiheras an impormasyon dapit sa nasambitan na mga tema.
Ipi-presentar suboot an play sa Department of Agriculture (DA) asin agricultural training institutes ngani na maidara ini sa manlaen-laen na munisipalidad sa Albay.
Sigon pa sa opisyal, taon-taon na nindang i-oopresir an Theater Arts workshop.
