Namaaram na an Amerikanang aktres na si Kelley Mack sa edad na 33.
Bisto siya sa saiyang pagganap bilang Addy sa hit zombie series na The Walking Dead.
Segun sa saiyang pamilya, nagtalikod sa kinaban si Kelly kan Agosto 2 sa Cincinnati, Ohio, makalihis an haloy na pakikipaglaban sa glioma, sarong klase nin tumor na nag-aatake sa utak asin spinal cord.
Afuera sa The Walking Dead, nahiling man siya sa Chicago Med asin 9-1-1.
Sa saiyang karera, nakapagrehistro siya nin haros 30 proyekto bilang aktres asin lima bilang producer.
Nagluwas man siya sa manlaen-laen na patalastas para sa mga famusong brand.
Sa social media post kan Miyerkules, Agosto 6, kinumpirmar kan pamilya an saiyang pamamaaram.
Gigibohon an sarong life celebration para ki Kelley sa Ohio ngunyan na Agosto 16.
