Pighayag kan lead vocalist kan bandang The Red Jumpsuit Apparatus na si Ronnie Winter sa mga Kristiyanong suportadores ni US President Donald Trump na permanente sindang pigbabawalan na mag-atendir sa saindang mga concierto.
Sinabi kaini na an mga suportadores ni Trump an makakadangog nin dakol na woke propaganda asin aktwal na mga tataramon kan Diyos sa saindang mga papaabuton na concierto, na para saiya, dae ini magugustuhan kan saindang mga pro-administration fans.
Dugang pa ni Winter na dae dapat i-claim kan mga botante kan Trump an debut single kan banda kan 2006 na “Face Down” bilang saindang kanta, kun saen igwa ini nin labi sa 598 million streams sa mga music platform.
Liwat man na pigtawan-doon kan singer an saiyang paninindugan asin kritisismo ki Trump poon pa kan 2020, na saiya suboot ipigmantenir an saiyang mga pananaw sa “Stay Woke campaign”.
Sa sarong intrevista kan 2020, ipinahiling ni Winter an saiyang suporta para sa LGBTQIA+ community, Black Lives Matter movement, magin sa mga marginalized na tawo—na nagresulta sa mga backlash gikan sa fanbase kan grupo huli sa saiyang mga progresibong opinyon.
Mientrastanto, nakatalaang magtanghal an American rock band nin serye nin mga shows sa mga festival asin concierto ngunyan na Hunyo sagkod Nobyembre 2025.
Kan taong 2024, nagtanghal an nasabing banda sa Manila para sa saindang Asia tour.
