LEGAZPI CITY-Liwat na nagbukas an mga presinto sa Thailand ngonian na semana para sa sarong eleksiyon mantang pirit na nagbubuhat an nacion hale sa serye kan mga pagkaka-patalsik sa mga lider asin pagbuwag sa mga partidong politikal sa nakalihis na duwang taon.
Nagigin angat sa ngonian sa nasabing nacion an matamlay na ekonomiya, sigalot sa border laban sa Cambodia, asin an naglalang problema sa transnational cyberscam networks sa Timog-Silangang Asya.
Sa laog kan huring duwang taon, nahilingan an Thailand nin marikas na pagpapalit kan liderato huli sa mga desisyon kan korte asin coalition.
An mga nagin lider kan Thailand kabale si Srettha Thavisin kan Pheu Thai Party, naelihir kan Agosto 2023 makalihis an eleksyon kun sain inulangan kan Senado an Move Forward Party.
Suminunod na lider si Paetongtarn Shinawatra kan Pheu Thai Party an bunsong aki kan dating lider na si Thaksin Shinawatra.
Ikatulong lider si Anutin Charnvirakul kan Bhumjaithai Party an presenteng Prime Minister kan Thailand na naelihir kan Setyembre 2024 makalihis an suporta kan parliament kan mabuwag an naenot na alyansa.
Si Anutin an ikatlong lider kan nasabing nacion sa laog nin duwang taon.
Sa presente, piglalaoman an liwat na matinding negosasyon sa pagultanan kan mga partido huli sa isyu sa kontroladong sistema kan politika sa Thailand.
