Inatake ang sarong cargo ship na nakarehistro sa Thailand mantang nagbabaybay sa Strait of Hormuz, kun sain tulong tripulante pa ang padagos na pinaghahanap hanggang sa ngunyan.
Kinumpirma kan Royal Thai Navy na pinuntirya ang barkong Mayuree Naree makalihis ining maghali sa Khalifa port sa United Arab Emirates pasiring sa India.
Basado sa mga iniluwas na litrato kan militar, mahihiling an mahibog na maitom na aso hale sa barko asin mga nakalutang na life rafts sa kadagatan.
Segun sa opisyal na pahayag kan hukbong dagat, ang barko an inatake mantang nag-aagi sa Strait of Hormuz.
Nailigtas na kan Omani navy ang 20 marinero, mantang nagpapadagos an rescue operations para sa tulong nawawarang miyembro kan crew.
Nangyari an insidente sa tahaw kan matinding tensyon sa rehiyon kun saen naglalansar nin mga pag-atake ang Iran laban sa mga kataning na nacion na nag-e-export nin krudo.
