LEGAZPI CITY — Padagos na piggigibo kan Philippine Army an mandato asin responsibilidad na atamanon an kapakanan asin seguridad kan lambang namamanwa urog na ngonian na padagos man liwat an krisis sa Marawi.
Segun ki Capt. Randy Llunar, chief kan Division of Public Affairs Office (DPAO) kan 9th Infantry Division, dakulang tabang sainda an inilunsar na text brigade ngane na magkaigwa nin direktang komunikasyon an mga kahimanwa sa kasundaluhan partikular na sa 83rd Infantry Batallion asin 901st Infantry Brigade.
Ini ngane na makapag-contribuir asin makipagtabangan an mga sibilyan sa pwersa kan gobyerno na obhetong magkaigwa nin magayon na partnership asin mamantenir an local peace and order sa provincia kan Albay asin kataraid na lugar.
Isinapubliko naman suboot ninda an mga numerong pwedesir na kontakon kan namamanwa na dakulang paagi sa pagpapaabot nin reklamo urog na posibleng yaon sana suboot an mga rebeldeng New People’s Army (NPA) sa palibot.
Sa ibong kaini, sienerto man ni Llunar na warang dapat na ikahandal huli sa padagos an pag-monitor kan saindang mga yunit sa huma sa seguridad sa nasasakupang lugar.
Nagpasalamat man an opisyal sa suporta asin kontribusyon kan namamanwa na dae suboot nagduduwa-duwa na magtao nin impormasyon ngane na makatabang sa pagpapakaray kan sitwasyon kan mga Bicolano.
