Piglalaoman kan Technical Education and Skills Development Authority (TESDA) na makapagsanay nin pigkarkulong 600,000 sagkod 650,000 na mga Pilipino ngunyan na taon.
Ini an maisasakatapuran sa paagi kan saindang budget na nag-aabot sa ₱19 bilyong piso.
Segun ki TESDA Secretary Francisco Benitez, an pondong ini an pinakadakulang budget na nairehistro sa historya kan ahensya puon kan ini naitatag.
Kabale sa saindang mga program an near-hire training, upskilling programs, asin mga pagsasanay na nakasentro sa digital skills.
Tinawan-duon man kan TESDA an importansya nin Enterprise-Based Education and Training huli sa napatunayan kaining halangkaw na sentro kan employability rate, na pigkarkulong nasa pagultangan nin 85% sagkod 95%.
Sa paagi kan Enterprise-Based Education and Training, mas dakol na Pilipino an nagkaigwa nin pagkakataong makahanap nin trabaho makalihis an saindang pagsasanay.
Afuera pa digdi, aktibong pigpakusog kan ahensya an saindang pakikipagtabangan sa manlaen-laeng industriya sa paagi kan Enterprise-Based Education and Training, pagbarewas nin tax incentives, asin an Adopt-a-School Program.
