LEGAZPI CITY – Nagpapadagos ngunyan an pagkokunstruhir kan mga “temporary learning spaces” o TLS katakod kan pagbubukas kan school year 2017-2018.
Segun ki Kevin Arroco, Public Development Officer II kan Department of Education (DepEd) Bicol, pighayag kaini na an nasambitan na proyekto an saro sa mga plano kan ahensya ngani na mapunuan an mga problema sa classroom sa pagbubukas kan klase.
Saro suboot ini sa mga lakdang ngani na dae na mamroblema an mga eskwelahan sa pag-akomodar sa mga estudyante na malaog ngunyan na school year.
Napag-araman na nasa P58 million an kantidad na nakatagama sa nasambitan na proyekto asin 402 na sa mga ini an nakonstruhir na alagad igwa pang natatada na pigpipirit na matapos antes na magpuon an klase.
Segun ki Arroco, mawot kan ahensya na magin komportable an mga kaakian sa saindang pagbabalik eskwela.
