LEGAZPI CITY – Liwat ng naagihan an temporary bridge sa Barangay Santa Maria, Panganiban na naraot huli sa pagbaha durante kan Bagyong Aghon.
Kasuodma kan mag-apaw an tubig sa salog rason ngani na magaba an ikinaag na temporaryong tulay asin paramientras na maipasarado sa publiko an agihan.
Segun ki Christian De Jesus an tagapagtaram kan lokal na gobyerno kan Panganiban, makalihis na maghupa an pag-uran tulos ng pinakaray kan contractor kan Kanparel bridge an temporaryong tulay ngani na makaagi na an mga motorista.
Makalihis sana an nagkapirang oras natapos na an pagpapakaray asin liwat ng naaagihan an temporary bridge.
Napag-araman na importanteng maray an tulay lalo pang ini an pig-aagihan kan mga nagbabiyahe haling Bagamanoc pasiring sa Virac.
Mientras tanto, ipinagpapasalamat man ni De Jesus na wara nin naireport sa casualty sa durante kan Bagyong Aghon na nagdara sana nin mga pag-uran sa banwaan.
