LEGAZPI CITY- Pigrekognisar kan Teachers Dignity Coalition an ARAL law o an Academic Recovery and Accessible Learning Act makalihis ining pirmahan ni Presidente Ferdinand Marcos Jr. huli sa kaipuhan ini kan mga kabataan kun saen halangkaw an learning losses kan mga ini sa nasyon.
Segun kay Benjo Basas, an Chairman kan Teachers Dignity Coalition sa intrevista kan Bombo Radyo Legazpi, igwa ng eksistidong learning program an Department of Education alagad dae ini simpleng DepEd program sana kun saen ngunian an magiging national program na.
Segun pa sa opisyal na magkakaigwa nin tutorial programs an mga paratukdo asin an mga para teachers na nagtake nin board exam alagad dae naqualify magin an mga nag-aadal nin education courses.
Babayadan suboot an mga regular teachers nin overtime pay kun magtutukdo sinda sa mga struggled learners alagad sa ngunian an pighahalat pa an implementing rules and regulations kan nasabing batas.
Kasabay sa recovery programs na ini an mga aki na nababagsak sa mga exam kan paratukdo o an mga aki na nakapasar pero hibaba an grado.
Mayorya man sa TDC an nagsasabing kaipuhan an arog kaining batas alagad dae pa ninda masabi kun magiging epektibo an batas na ini.
Segun pa kay Basas na pwedeng maging lakdang an batas na ini para maprebentaran an pagdakol kan mga struggled learners.
Mientrastanto, nagtutubod an nasabing grupo na magiging limitado sana an maitatabang kan ARAL law kun ikokomparar sa mga darakulang problema sa education sector.
