LEGAZPI CITY– Aminado an nagkapirang grupo nin paratukdo na dae maipagkakaila na igwa talang problema sa proficiency rate kan mga esudyante sa nacion.
Segun ki Teachers Dignity Coalition Chairperson Benjo Basas sa intrevista kan Bombo Radyo Legazpi na dakol na factors na nakaka apektar sa pagkanuod kan mga jovenes.
Kaibanan digdi an kawaran nin readily available na mga learning materials na dapat kutang nagagamit kan mga paratukdo asin mga estudyante.
Idugang pa an congestion sa laog kan mga eskwelahan urog na sa mga primary grades asin iba pang kakulangan sa mga pasilidad asin kakulangan nin paratukdo.
Katakod kaini, hagad kan opisyal na maisalbar an mga kaakian sa padagos na naglalalang learning crisis sa nacion.
Paliwanag ni Basas an mga problema an kayang matawan nin solusyon sa paagi kan tamang paggamit nin pondo
Dugang pa kan opisyal na dapat na pangatamanan man an mga paratukdo sa paagi kan nakakabuhay na pasahod asin pagtatao kan mga pangangaipo.
