Binawi ni Taylor Swift an enterong karapatan sa saiyang enot na anom na album makalihis bakalon an masters kaini hale sa presenteng na may-kagsadiri.
Makalihis an halabang panahong pakikipaglaban para sa kontrol kan saiyang musika, matrayumpong nakuwa kan global pop star an pag-sasadiri kan orihinal na recordings kan saiyang mga naenot na obra.
Bisto si Swift sa pagigin vocal mapadapit sa importansya kan artistic ownership, urog na sa hampang kan mga kontratang bako pabor sa mga artist.
An pagbawi kan mga masters an pigkokonsidera niya na dakulang trayumpo bako sana para saiya kundi para sa iba pang musikero na mawot magkaigwa nin kontrol sa saindang sadiring gibo.
Piglalaoman magtataong dalan ini sa mga re-release kan saiyang mga lumang album sa irarom kan saiyang pamamahala.
