LEGAZPI CITY-Isinasapinal na kan Bureau of Internal Revenue (BIR) an tax fraud audit sa mag-agom na si Curlee asin Sarah Discaya asin saindang mga kompanya.
Segun kay BIR Commissioner Romeo Lumagui Jr., bago pa man magusbong an kontrobersiya sa flood control projects, nagsasagibo na sinda nin audit sa mga Discaya huli sa igwang naenot na mga reklamo laban sa mag-agom asin saindang mga kompaniya.
Ngani na mapakaskas suboot an pigsasagibong audit, nakikipag-koordinar na man an BIR sa iba pang mga ahensiya kan gobierno.
Tinawan doon man kan opisyal na kaipuhan masierto na kumpleto asin tama an saindang findings ngani matukoy kun ano an saindang kaipuhan paninimbagan sa buwis asin posibleng maisampang criminal liability laban sa Discayas.
Afuera sa mga Discaya, magsasagibo man nin tax fraud audit an ahensiya sa iba pang top contractors sa flood control projects.
An mga dai magpresenta kan saindang updated tax clearance an pagbabawalan na makaiba sa mga bidding kan gobierno.
