LEGAZPI CITY – Padagos an pigsasagibong monitoring kan Task Force Kalinigan manungod sa mga nanonotaran na namamalimos na mga badjao sa syudad kan Legazpi urog nang paparani an kapaskuhan.
Segun kay Mark Andy Marbella an Head kan Task Force Kalinigan at Kaayusan Legazpi City sa intrevista kan Bombo Radyo Legazpi na padagos an pagpatrolya sa syudad partikular na sa mga pampublikong tinampo nganing masawata an mga badjao na namamalimos partikular na sa food park sa may parte kan Brgy. Bitano kan naunambitang syudad.
Mahigot an piggigibong seguridad nin huli ta kadaklan sa mga ini an basta basta na sanang nagsasakay sa mga jeep dawa nag-aandar na an behikulo na pwedesir suboot poonan nin disgrasya.
Tulos man nindang pigtuturn over sa City Social Welfare and Development Office an mga nadadakop na mga badjao nin huli ta sinda an may kustodiya kan mga ini lalo na kun mga menor de edad pa sana an mga namamalimos sa mga tinampo.
Pigtaram man ni Marbella na base sa saindang latest monitoring na nagtatago an mga badjao pag nahihiling na nagpapatrolya an saindang team asin nagruruluwasan sana pag-nakalagpas na an saindang grupo.
Pangapodan kaini sa mga magurang kan mga badjao na sa ibong kan pagtios sa buhay, dae na suboot pagtugutan na mamalimos an saindang mga aki sa syudad nin huli ta nagtatao an mga ini nin abala asin huma sa kaligtasan kan kumyuter asin mga driver.
