Legazpi City- Kinondena kan Task Force Kalinigan an bagong insidente na kinasasangkutan kan Basag Kotse Gang sa syudad kan Legazpi.
Pinasa kan dae pa bistong suspetsado an windshield kan sarong kotse kasuhapon sa sarong bussiness park sa kaparehong syudad.
Segun kay Mark Andy Marbella an Head kan Task Force Kalinigan at Kaayusan Legazpi City sa intrevista kan Bombo Radyo Legazpi na wara pa ining person of interest kun siisay an taggibo kan insidente.
Pigtaram pa kaini na dae na ini masyado naga ikot sa nasambitang lugar nin huli sa pagpreparar kan Legazpi Port Fiesta kun kaya iyo ini an lugar na piniling puntiryahon kan mga kawatan.
Pigtawan doon pa kaini na dakulang bagay man suboot na naga patrolya an saindang grupo sa luwas nin huli ta nagkakatarakot an mga parahabon na maggibo kan mga mararaot na bagay sa syudad.
Nahahandal ini nin huli ta may kamahalan suboot sa ngunyan an presyuhan kan mga windshield na pigpasa kan mga kawatan asin tinaram man kaini na ma patrolya sinda sa mga lugar na pigtatagoan suboot kan mga kawatan asin sa lugar man kan pinangyarihan kan insidente.
Pagirumdom kaini sa Publiko na dae magparada sa parte kan parking area na madiklom asin dae pig-aagihan kan mga tawo kasabay man an pangapudan na mabugtakan nin bastanteng mga ilaw sa mga parking area nganing dae na puntiryahon kan mga kawatan asin dagos nang malikayan an siring kaining insidente.
