LEGAZPI CITY – Pighayag kan Task Force Kalinigan at Kaayusan na 100 percent na sindang preparado nganing magtaong asistensya sa Palarong Bicol na mapoon na saaga, Marso 23.
Segun ki Task Force Kalinigan at Kaayusan Head Mark Andy Marbella sa intrevista kan Bombo Radyo Legazpi na tapos na nindang hilingon asin inspeksyunon an mga teteniran nin pirang aldaw kan mga delegado na gikan pa sa manlain-laing provincia kan rehiyon Bicol.
Puga puga an saindang ginibong preparasyon maski dae man suboot ki patod an pag-uuran na namatean kan ciudad sa nakalihis na magdamlag.
Nagsagibo na man sinda nin road clearing sa Barangay Puro kun sain duman isasagibo an ibang mga sporting events sa bilog na durasyon kan pakawat.
Pigtaram man kaini na magiging katabang man ninda an mga manlain-laing departamento asin ahensya sa ciudad para sa isasagibong parada sa oepining kan palaro.
Tututukan man ninda an mga basura sa mga sporting events asin biletting centers nganing madali man an pagkolekta kan mga Office of the City Environment and Natural Resources sa mga ini.
May mga naka-standby na sa saindang personels nganing magtabang kun kinakaipuhan sa mga delegado enkaso maglipat lipat sinda kan saindang mga ekipahe.
Pagirumdom kaini sa mga may kagsadiri nin negosyo asin mga bakalan kan Legazpi na itrato nin maray an mga bisita nganing magkaigwa sinda nin rason para bumalik sa ciudad.
