LEGAZPI CITY—Nakatalaang magkundusir nin clearing operation ngunyan na aldaw an mga personahes kan Task Force Kalinigan asin Kaayusan Legazpi sa ciudad makalihis an mga nakaaging selebrasyon kan holiday season.
Segun ki Legazpi Task Force Kalinigan asin Kaayusan Head Andy Marbella, sa intrevista kan Bombo Radyo Legazpi, tatabangan ninda an Office of the City Environment and Natural Resources (OCENR) nganing maasigurar an kalinigan asin nganing dae na magresulta pa sa bako magayon na parong an mga natipon na basura.
Laoman na yaon sinda sa tinampo durante kan operasyon asin maamay an saindang mga personahes nganing malinigan an mga area sa ciudad.
Tinawan-doon man kan opisyal na kumpleto an saindang mga personahes na matabang sa operasyon nganing masierto na gabos malilinigan an mga lugar na kinanakaipuhan nin paglinig.
