LEGAZPI CITY-Nahahampang ngonian sa reklamong plunder an presenteng kinatawn sa pantulong distrito kan Tarlac na si Congressman Noel Rivera.
Personal na isinangat ngonian na aldaw ni Pyra Nucum Lucas kan United Pilipino Against Crime and Corruption (UPACC) an ‘plunder case’ sa Office of the Ombudsman.
Kairiba sa saiyang mga ipigreklamo an agom ni Cong. Noel Rivera na si Tarlac Vice Mayor Evelyn Rivera asin district engineer kan Department of Public Works and Highways.
Segun kay Lucas, an pagsasangat nin reklamo makalihis ma-awardan kan mga proyekto sa gobierno an Tarlac 3G Construction.
Saiyang ipigbuyagyag na pagsadiri suboot ini kan mag-agom na Rivera kun sain maabot sa labi 600-milyon pisong kantidad na mga proyekto an nakuwa.
Afuera sa plunder case, nahahampang man sinda sa kasong administratibo siring kan Abuse of Authority, Grave Misconduct, pagbayolar sa Government Procurement Act at iba.
