LEGAZPI CITY- Nagtitinir na buhay an posibilidad nin tambalang Sarah Duterte asin Gibo Teodoro para sa 2022 elections sa ibong kan anunsyo kan presidential daughter na mare-eleksyonista bilang alkalde kan Davao City.
Sa intrevista kan Bombo Radyo Legazpi kay Camarines Sur 1st District representative Rolando Andaya, bako ng bago sa politika lalo na sa kampo ni Duterte an istilo nin pabago-bagong desisyon maski pa sa mismong huring aldaw na kan substitution.
Mismong si Sarah asin Gibo naman suboot an nagtaram saiya sa planong pagdalagan bilang Presidente asin Bise Presidente sa masunod na taon.
Huli ta haros gabos ng national party an igwa na nin mga kandidato posibleng maging independent candidates na sana an duwa alagad may suporta man giraray kan local parties lalo na kan Hukpong ng Pagbabago na pigpapangenotan ni Sarah.
Apwera digdi, en kasong madagos an tambalang Sarah-Gibo dakula man suboot an posibilidad na magpahunod na sana si Presidente Rodrigo Duterte asin dae na idagos pa an planong pagdalagan bilang bise presidente.
