Naresibe na kan Taiwan an 38 advanced Abrams battle tanks hali sa Estados Unidos, sa tahaw kan pagpapakusog kan kapasidad kaini huli sa posibleng pagsakyada kan China.
An M1A2 tanks an enot na batch kan 108 na inorder kan 2019 an nailipat na sa training base sa Taipei.
Ini an enot na mga tangke na nai-deliver sa Taiwan sa laog nin 30 taon.
An presenteng tank force kan Taiwan an kumpwesto nin nasa 1,000 Taiwan-made CM 11 Brave Tiger asin US-made M60A3 tanks na maikokunsiderar na luma na.
Marurumduman na enot ng nag-alokar an gobierno nin labi sa $1.2 billion para sa 108 Abrams.
An Estados Unidos an haloy ng kaalyado kan Taipei asin pigkokunsiderar na pinakadakulang supplier nin mga armas.
