Naghahanda na an Taiwan, China, asin Japan sa pag-abot kan Typhoon Inday na may international name na Bavi na pinaglalaoman na magdadara nin pat inding pag-uran asin makusog na paros sa rehiyon.
Segun sa weather authorities kan Taiwan na posibleng magdara an bagyo nin makukusog na uran sa nagkapirang mga lugar.
Labi man sa 29,000 na mga suldados an naka antabay ngani na magtabang sa posibleng rescue asin relief operations.
Sa China, nagpatanid man an mga otoridad na posibleng magkaigwa nin dakulang epekto an Tyhpoon Bavi kun tumama ini sa p rovincia kan Fujian.
Preparado na man an mga residente sa timog kan Japan, kaibanan an Sakishima Islands, sa posibleng pagtama kan bagyo.
Mientras tanto, kinanselar man kan nagkapirang airlines an mga biyahe huli sa maraot na panahon.
Kaibanan digdi an Japan Airlines, All Nippon Airways, Thai Airways, asin Malaysia Airlines, na nakaapektar sa rinibong mga pasahero.
