LEGAZPI CITY — Inasegurar kan local government unit kan ciudad kan Tabaco an pagtataong-ayuda sa mga naapektarang paraoma sa naging pag-aalburoto kan bulkang Mayon sa laog kan labi sa duwang bulan.
Sa intrevista kan Bombo Radyo Legazpi ki Gel Molato Jr. ng City Disaster Risk Reduction and Management Office (CDRRMO), dagos-dagos suboot an pag-aabot kan suporta sa mga economically displaced farmers urog na sa pagbaba kan alerto kan bulkan sa Alert Level 2 status kun saen igwa na man na existing na programa dapit digdi.
Dugang pa ni Molato na padiit-diit nang nagbabalik sa normal an kabuhayan kan nagkapira sa mga paraomang enot nang pinauli sa mga harong kaitong pagbaba pa sana sa Alert Level 3.
Sa ngonian segun ki Molato, tutok kan atensyon an iba pang pangangaipo kan mga naapektarang residente mantang mantenidong nakabantay asin nakaalerto sa mga naoobserbaran pang abnormalidad sa bulkan.
Napag-araman na Biernes Santo pa an ibinabang decampment sa nasa labi sa 400 pamilya sa nasabing ciudad kasunod kan pagbaba kan Alert Level 2 status sa Mayon kaitong Huwebes Santo.
