LEGAZPI CITY – Presenteng namamatean kan nagkapirang mga residentes kan Tabaco City, Albay an maluyang bulos kan tubig sa saindang mga kaharongan.
Segun ki Tabaco City Water District General Manager Noel Bien sa intrevista kan Bombo Radyo Legazpi na nag-aabot sa 5-6 percent na saindang miembros konsumidores an nakaka-eksperyensya nin problema sa supply kan tubig urog na pag maagahon.
Alagad pagsyerto niya man na padagos man an saindang paggibo nin lakdang arug kan pagde-develop na water source na piglalaoman na magigin operational sa masunod na bulan na makakataong ginhawa sa Barangay San Vicente na urualdaw nindang pighahatudan ninda ki tubig.
Pagkatapos suboot kan supply kan tubig sa Barangay San Vicente an isusunod na man ninda an pagtapos kan water source sa Barangay San Lorenzo nganing maresolba na man an problema kan mga residentes mapadapit sa maluyang bulos kan tubig.
Pigtaram pa kan opisyal na may mga naka-antabay man sindang mga proyekto sa masunod na taon asin nakatalaang magkrear nin panibagong water source sa sarong lugar na may katubigan na nakapalibot.
Sa kabilugan an maabot sa walong barangay an padagos nindang piggigibuhan na lakdang mapadapit sa maluyang supply kan tubig kun sain sa mga ini an nakaka-eksperyensya nin maabot sa walong oras na dae nagbubulos an tubig sa gripo.
Kahagadan ni Bien sa saindang mga miembros konsumidores an diit na dispensa asin pighalat huli ta puga-puga man an saindang paggibo nin lakdang nganing matawan sinda nin maray na supply kan tubig.
