LEGAZPI CITY-Handang-handa na an mga representantes gikan sa Tabaco City sa Dancesport para sa Palarong Pambansa 2026 sa Agusan Del Sur.
Segun kay, Tabaco Dancesport Coach Hanna Monique Roco, sa intrevista kan Bombo Radyo Legazpi na nasa 2 atleta an marepresentar gikan sa sa Tabaco Division Dance Sports para sa bilog na Bicol Region.
An nabanggit na duwang atleta dati nang nag representar kan nakalihis na taon sa Ilocos.
Sinabi ni coach Hanna na bago pa man an palaro, nagkaigwa na sinda nin concentrated training sa mga eskwelahan, division, asin regional competitions.
Ini ngani magin preparado an saindang stamina ngani mas makusog sa pag-abot sa Agusan Del Sur.
Sa presente, may kadifisilan suboot an panahon huli sa medyo mainit sa lugara alagad magayon man suboot an accomodation para sa mga atleta asin coaches.
Gaganapon an Dancesports sa Mayo 28 sa elementary level asin Mayo 29 para sa secondary level, asin sa Mayo 30 naman gaganapon an finals para sa duwang levels.
Piglalaoman man ninda na masungkit an gintong medalya sa Dancesports.
