LEGAZPI CITY – Pigrumdom ni Tabaco City Mayor Krisel Lagman Luistro an saiyang namaaram na ama na si Albay First District Representative Edcel Lagman.
Sa intrevista kan Bombo Radyo Legazpi, pigtaram kaini na sa ibong kan saiyang pagiging tigasin sa politika an saroining mapag-padabang ama sa saiyang mga aki.
Pakaraw na historya kaini na kan dae pa napapag-olayan o na-uuso an tataramon na “marites” an saiyang ama na suboot an pinaka marites sa gabos na marites nin huli ta aram niya an buhay buhay kan mga tawong nakapalibot saiya.
Pigsabi pa kan opisyal igwa an saiyang ama nin special sense of humor na dae nahihiling kan mga tawong dae nakakabisto sa batikang mambabatas.
Dae niya man malilingawan na pirmi sinda nakakaresibi nin burak pag-valentines day asin pirming yaon tulos sa oras na kaipuhan niya an saiyang ama.
Plano ninda na magtugdok nin museum kun saen ibubugtak an mga memorabilia ni Cong. Lagman partikular na sa saiyang mga artworks, collection niya asin an piggagamit kaini na pangdakop nin langaw.
Saksi man si Mayor Krisel sa kun pano ipaglaban kan saiyang ama an mga sektor na naabuso asin handang makipaglaban para sa pagkamit nin hustisya.
