LEGAZPI CITY – Nagsagibo na man nin evacuation efforts an lokal na gobierno kan Tabaco City sa provincia kan Albay makalihis na isakat sa alert level 3 an status kan Bulkang Mayon.
Segun ki Mayor Rey Bragais sa intrevista kan Bombo Radyo Legazpi na base sa saindang inisyal na datus an uminabot sa 156 na pamilya o katampad nin labi 700 na indibidwal na gikan sa lima nindang Barangay nakapalaog sa 6KM permanent danger zone.
Ini suboot an harayo pa sa piglalaoman nindang numero na labi 300 na pamilya na kun sain sinda an may pinakadakol na i-ebakwar sa mga banwaan asin ciudad na nakapalibot sa Bulkan.
Pagdoon niya man na nakapreparar an saindang ofisina asin puga-puga na an saindang operasyon nganing maidara an saindang mga residentes sa mga salbadong lugar.
Paglilinaw man kan opisyal na eenuton munang tatawan nin Department of Social Welfare and Development (DSWD) foodpacks an mga residenteng nagtetenir sa mga evacuation centers.
Padagos man an saindang koordinasyon sa mga magkakanigong ahensya kan ciudad nganing magtaong asistensya sa mga evacuees partikularmente na sa saindang kaipuhan arug kan tubig asin pagpapa-otob kan katuninongan asin seguridad.
Pagirumdom man ni Bragais sa publiko na magsunod sa mga abiso kan mga otoridad asin magtarabangan mantang nagmamawot man ining mapundo na an pag-aalburuto kan Bulkang Mayon.
