LEGAZPI CITY- Nag anunsyo na ngunian na aldaw an nagkapirang gasolinahan sa bilog na nasyon dapit sa pagtaas presyo kan mga produktong petrolyo sa aga, aldaw nin martes.
Ini kasunod naman kan bigtime rollback kan nakalihis na semana.
Sa magkakasuway na abiso kan mga kompanya kan petrolyo, maabot sa P0.50 an ilalangkaw sa presyo kan kada litro kan gasolina, P0.30 naman an itataas sa presyo kan kada litro kan diesel asin sa kerosene an may paglangkaw na nasa P0.70 an kada litro.
Iimplementar an nasabing oil price hike alas 6 nin pagka aga sa aga, Setyembre 3.
Segun sa Department of Energy-Oil Industry Management Bureau, an padagos na tensyon asin kariribukan sa ibang nasyon an rason kan pagtaas presyo kan mga produktong petrolyo.
