Inireport kan Philippine Institute of Volcanology and Seismology (Phivolcs) an paghalangkaw kan seismic energy o RSAM (Real-time Seismic Amplitude Measurement) gikan sa Bulkang Taal puon pa kan Sabado, Agosto 9.
Susog sa advisory kan ahensya, 19 volcanic tremors an nairehistro kan Taal Volcano Network, kasabay kan katamtaman sagkod sa makusog na pagbuga nin aso gikan sa main crater kaini.
Kan Byernes, Agosto 8, nairehistro man sa Bulkan an average kan 374 tonelada nin sulfur dioxide kada aldaw.
Patanid man kan Phivolcs an marikas na pwedesir magkaigwa nin phreatic o minor phreatomagmatic eruption sa bulkan.
Nagtetenir na sa Alert Level 1 ang Bulkang Taal, na nangangahulugang nasa abnormal na kondisyon na ini asin bako ligtas sa publiko.
Kun saen pwedesir makaeksperyensya nin biglaang phreatic eruptions, pagsabog na may kaibang magma, pag-uran nin abo asin nakakahudong na aso gikan sa bulkan.
Ipigpatanid man kan ahensya an pag-iwas na maglaog sa Taal Volcano Island, partikular sa palibot kan Main Crater asin Daang Kastila fissure, na pigkonsiderar na permanent danger zone.
Ibitaran man suboot an paglipad sa ibabaw kan bulkan. Pig-abisuhan man an mga local government units na magin preparado asin ipaotob an mga mitigation plans katakod kan posibleng epekto nin volcanic gas sa komunidad.
