LEGAZPI CITY – Pighahanap pa kan mga otoridad an suspek sa paninigbas sa Barangay Cabid-an syudad kan Sorsogon.
Tinigbas sa payo an biktimang si Esmiraldo Banzuela, 26 anyos asin residente kan Sitio Ilawod kan nasabing barangay.
Base sa imbestigasyon kan kapulisan, nasambitan na naglalakaw pauli an biktima kaiba an amigong si Miguel Ajoro makalihis mag-inuman kan bigla na sanang tigbason kan suspek na si Erick Fundales an biktima.
Insigida mang nagdulag an suspek mantang idinalagan sa ospital an biktima para sa medikal na atensiyon.
Sa presente, pig-aaram pa kan mga otoridad an rason kan paninigbas mantang nagtetenir na at large an suspek.
